<睡眠>
畀足佢時間瞓覺，佢有足夠睡眠，自然嗰精神就好，記性都會好，咁就唔需要嗮大量時間重複溫習同一樣嘢，睡眠足夠，身體有時間休息，才不至於如此多病，才會有時間去長高，嗰腦有時間休息，讀書先可以入到腦
小朋友嘅生活方面，我嘅次序就系：睡眠放第一，飲食放第二，運動放第三。之所以運動放第三，因為小朋友好動，平時一定有機會又跳又跑，相對來講妥善的飲食會比運動重要D。
又要講番第一個例子講到個嗰男仔，我同佢阿媽講，一定要畀佢瞓夠9-10個鐘；多吃牛肉、牛奶；同埋要打籃球、跳繩，先可以令佢長高D。
其實我女女喺三年班之前，通常都要佢8:30上床，保證佢10個小時睡眠時間。因為肝臟造血、身高激素都是在晚上9點開始工作，如果9點唔畀佢上床，對身體和發育都有所影響。通常容易感冒發燒的孩子，都是好夜瞓，或者睡眠不足。9點半上床嘅家長們，只要能保證小朋友10個鐘，都冇問題，因為一個家庭的運作模式唔系想改就可以改變，只要小朋友身體和發育，精神各方面都好，就唔需要改變作息時間。
<保健>
在我嘅經驗實踐下，至少我嗰女女很少感冒。我就是嚴格做到以下幾點：
1，只要開冷氣，就一定要穿長褲；
2，風扇一定要搖頭，或者對住墻吹，絕對不從背後吹；
3，平時瞓9個鐘以上，假期畀佢瞓到自然醒。
4，夏天一過就絕不游泳。
5，冬天上學一定穿連褲襪來保暖。
第5是針對女仔講。小學階段學校仲可以畀著連褲襪，但上了中學，大冬天都要露著大腿穿短襪，這種寒冷對身體傷害極大。今年我就為女女準備好了肉色的加厚緊身九分褲，外面穿雙短襪，根本就看不出裏面有乾坤。如果有些小學規定不能穿連褲襪，那肉色厚身九分褲就是一個絕佳的保暖方法，總之要在冬天為自己嗰女女做好下肢保暖措施，才能遠離感冒傷風
之前講嘅睡眠和生活習慣，都是針對小朋友，唔畀佢成日感冒發燒嘅根本。同埋，唔好郁親就拍藥，凡藥三分毒，冇辦法先食藥。香港地冷氣開得多，難免冷親，一有打噴嚏、流鼻水現象，第一時間，即刻一碗紅糖薑茶就可以壓落去。
再講講飲食方面。而家D食物，麼都有農業，有激素，連海鮮都有重金屬問題。點選擇？樣樣嘢都要食，如果你想一家人少病少痛，第日唔會畀D騎呢怪嘅毛病纏身，就千企唔好凈喺認准鍾意嘅某樣嘢來食。因為你根本唔知嗰樣嘢裏面咩成份比較多，體內積蓄多咗可能會有咩病，最安全嘅辦法，就系麼都食用，唔好畀身體積蓄某種致病源。
<飲食>
當然，對小朋友來講，每日首先要保證嘅，喺牛奶，雞蛋，呢兩樣嘢最好日日都有。好多關於健康嘅書籍都會提到關於紅肉、白肉的問題。我就覺得，小朋友嘅身體多的是quota，無需要擔心咩心血管方面嘅疾病，即管去食多D紅肉。我就會隔三岔五畀小朋友食牛肉。鬼佬可以咁大隻，佢地日日都牛肉、牛奶，自然有關係。反而白肉類，比如家禽，就食少D。家長不妨留意下，鍾意食雞翼嘅小朋友會比較早發育，因為家禽本身就喺激素催大，尤其喺雞翼，打針嘅部位。。。仲有豆漿，書裡都話豆漿喺植物牛奶，某程度上比牛奶好，唔好忽視，豆漿有雌激素，如果好似牛奶咁日日飲，都會加速發育，而且對男仔來講，更加唔好。我地香港人離不開海鮮，多選擇唔養得嘅海魚，至於貝殼類，不可多吃，而家海水污染嚴重，貝殼類重金屬太高，小朋友愛吃貝殼類，身體內含鉛量就會偏高，過度活躍、專注力不夠，都同體內含鉛量過高有關。
就以我屋企嘅飲食習慣來講，冇汽水、飲料進門，冇雞翼進門，汽水會妨礙鈣質吸收，就算去麥記解決一餐半餐，叫杯朱古力或者轉橙汁，都好過飲汽水。至少我嗰女，12足歲，中一學生，身材勻稱，尚未發育。是個最好嘅見證。
<運動>
| 而家好多家長都會為小朋友選擇一項體育運動。其實運動都系有好多要考慮嘅地方，并唔系小朋友想玩咩，就要畀佢。比如我自己個女女，平時喜歡駝住個背，佢要打乒乓球，我唔畀，因為乒乓球呢項運動睇來對身體唔會有傷害，亦都唔系激烈運動，好適合小朋友，但其實學乒乓球喺好容易養成駝背嘅壞習慣，眾所周知，練球嘅姿勢喺一定要駝背，我就好反對畀小朋友學乒乓球了，當然如果小朋友冇駝背嘅壞習慣，平時走路都昂首挺胸，咁自然就冇麼問題。我以前畀女女學芭蕾舞，但系發覺基本喺嗮錢，學咗成年都系幾個簡單動作而已，要想翩翩起舞，都唔知要等到幾時，嗮幾多錢，所以很快放棄。又試過學拉丁舞，因為拉丁舞喺要挺直個背脊來跳，儀態氣質都會變好，但系拉丁舞真系有難度，學得辛苦，所以女女拿咗個五級證書后，再都唔肯跳了。跟住又試過畀佢去D普及體操班，有好多拉筋動作，又唔辛苦，佢又好鍾意學，一個月落下，發現女女背脊都挺直很多。市面上很少個滴普及體操班，家長們對體操不重視。其實小朋友最適合嘅就系體操班，因為體操涉及很多拉筋動作，筋拉長咗，才有長高空間。我個朋友，因為佢9歲嘅女女太瘦弱，就請咗一個私人教練，就系操佢體能，一星期2次，有小跑，跳躍、拉筋等，一個月里竟然高了3cm，人也健壯了一些。所以說，最好嘅運動，就是那些最基本的體能訓練。 打籃球、跳繩，對長高很有幫助。但打籃球有身體碰撞，要想贏球就要講野蠻，存在一定危險。如果自己嘅小朋友不算大隻，就要認真考慮下了，通常學校籃球隊喺比較文明D，但去到出邊畀錢參加個滴籃球訓練班，就好大危險。我女女曾參加社團舉辦的籃球訓練班，遇到打法野蠻嘅女仔，被人撞到面，痛了成個星期。有個同學甚至差點被人撞到骨折。由此，我唔再畀女女參加群體性運動，容易出危險。反而羽毛球、網球等獨立性嘅運動，就比較安全，初學階段體能消耗又不大，又有四肢伸展及跳躍動作，最後我為女女選擇咗打網球。 另外游水呢項運動，喺好多家長嘅至愛，就好似我D學生，屋企嗰會所都會有泳池，想俾小朋友運動又唔想走太遠，通常就選擇游水。其實游水喺好睇個人性。因為游水喺濕氣好重，又唔會排汗嘅一項運動，上水嗰瞬間，都會覺得凍，其實嘅一瞬間寒氣已經逼入身體。所以常游水嘅小朋友濕寒好重，除非屋企常煲去濕寒之氣的藥湯。但運動方面選擇有咁多，點解非要揀呢樣？小朋友做運動最好喺有排汗，平時我地都躲在冷氣房，運動喺出汗嘅唯一機會，如果選擇游水，連出汗嘅機會都冇埋。 其實我唔贊成激烈運動，你去睇，如果D專業運動員好容易受傷嗰D項目，你就少去做，而田徑運動員，幾乎各個項目都會有傷痛。田徑離不開一個跑字，所有需要爆發力嘅運動對身體都存在潛在危險。快跑對關節損害好大，只不過小朋友細個，你唔會覺，呢啲要等成年之後先會慢慢反應出來。慢跑就好好多，但最好都系快走，就是疾步如飛嗰種。所以如果帶小朋友去做運動，畀佢慢跑幾個圈，再做多D四肢嘅拉筋動作，就差唔多了。 如果你小朋友比較瘦弱，你想佢學D本領強身健體之餘都兼有自我保護能力，咁自然冇得講，學武術仲更加好。 但如果出發點凈喺做一項體育運動，有咁多選擇，我寧願建議你畀小朋友去學小球類（諸如羽毛球、網球、壁球等小型球），因為跆拳、柔道等對抗式運動，仲衰過田徑，你做田徑凈系有關節受傷嘅潛在可能，但玩對抗式運動，脊髓包括頸椎的受傷性喺好嚴重。 |
放心啦，特別喺男仔，遲發育好正常，好多都系等到上中學先飚高。要長高最好嘅運動喺帶有跳躍性嘅動作，同埋拉筋。你試下卑佢去有單杠、雙杠嘅運動場，日日玩倒吊（用腳勾住杠），堅持一段時間，一定有驚喜，不但身高，連埋腦部。
如果嫌麻煩，你都可以喺屋企天花板吊個飾物，適當高度，日日畀佢跳，試下掂到個飾物，如果有日掂到，就有大禮物送，再適當調節高度，以此類推，小朋友開心，又有助于身高發育，堅持半年就有成效
<如何學好中文>
| 好了，生活方面基本安排妥當，就可以著重學業啦。我地一樣一樣來，首先講下中文。好多人都以為中文最簡單，其實咁多科目裏面，中文喺最難上手、耗時最多嘅一門學科。同樣補習，補英/數好快見成效，補中文喺一年二年裏面可能你根本睇唔到有成果出來，因為中文喺一個積累嘅過程，唯有積累到一定的量度，才會有質的變化。好多人會問，英文一樣喺一個累積的過程，點解英文就快上手呢？那是因為，英文不是我們的母語，要求好低，只要文法冇錯，拼寫正確，就能拿高分。但中文並不是文法冇錯，冇錯別字就能拿高分，呢個只是小學二年班嘅要求。 我回應過好多家長，要想小朋友中文叻，得二個字：閱讀！當然，如果讀完就算，家長唔理，就要靠小朋友自己上心。如果家長有時間，最好幫小朋友做兩樣嘢：1，揀書；2，提問。 揀書嘅學問好大，但好多家長都忽視。認真D思考下，小朋友并唔系太多閱讀時間，讀一D唔等洗嘅書，同玩過幾鋪遊戲冇麼分別，所以我一直都喺主張要有選擇！ 喺我女女仲好細個陣，有位家長送左好多佢小朋友唔再睇嘅圖畫書畀我，裝咗成一個行李箱咁多。但我返到屋企一拾，可以收貨嘅寥寥無幾。除了公主、王子，就是窮人、富人，有一則故事我仲印象好深，一個窮孩子，對仙子做了件好事，仙子送了顆魔豆畀佢，魔豆長到天上雲間，佢爬上去，在天上的巨鵝家裡偷到一隻金蛋，從此跟母親過著富裕的生活。富裕幸福的生活竟然喺靠偷返來嘅不勞而獲，咁嘅故事點畀小朋友讀？就算經典童話，都系要有選擇，同樣安徒生故事，《海的女兒》雖然喺一個悲傷的結局，但可以淨化靈魂，從中體會付出和犧牲的偉大，可以讓人心變得高尚。雖然我都系唔贊成畀小朋友睇呢啲王子愛上公主的故事，但至少《海的女兒》比迪斯尼版嘅美人魚，要有意義得多。呢方面嘅經典書籍，就算你唔畀小朋友睇，佢都有不同途徑獲取此類信息。好似我嗰女女，我就冇畀佢睇過咩經典童話，但系佢都會從同學、老師那裡知道得很清楚。細個嗰陣，我凈喺畀佢睇D同品行道德、生活習慣有關的圖畫書，除了認字，還要學做人。有教育意義嘅圖畫書還是非常多的，教人孝順、勤奮、誠實，包括教人擦牙、洗面、吃飯，時間有限，都系睇D有幫助有益嘅書好過！ 跟住再大個D，小學中段要睇嘅書，就要以兒童文學為主。 |
呢個年紀，通常都系圖畫書，每頁圖畫一句話嗰D，你把握一個原則，無聊嘢唔睇，要有知識性，教育性嘅圖畫書，先拿來睇。小朋友嗰腦，無需要裝太多咩公主、王子嘅無謂嘢，就連玩具，都要以益智為前提，小朋友喺咁嘅氛圍長大，思維會比較純品，亦比較容易管教，腦里冇么亂七八糟嘢，也利於第日佢專心于讀書。我女女就系一個好好嘅例子。
仲有，就喺一定要陪讀，一定要一本一本來，即話，每本裏面嘅字，句子都識讀，故事佢可以複述，咁先喺完咗本書，可以睇第二本。養成呢個一本一本來嘅習慣好重要。當然呢個階段嘅家長喺最辛苦~~
以我十余年嘅補習經歷，同埋親手調教女兒嘅心得，總結出15字嘅讀好書嘅黃金法則，“中文靠閱讀，英文靠背誦，數學靠練習”，家長遵循呢個法則去做，可以節省好多時間，走少好多彎路。就算你自己中、英、數樣樣唔叻，你凈系監督佢三樣野：“畀中文書佢睇，叫佢背英文單詞、句式和課文，買數學練習來做”，佢成績唔會差去邊架啦。道理很簡單，中文不外乎“詞語填充、重組句子，排句成段，續、改寫句子，修辭運用，和閱讀理解”，靠你畀佢操練，佢識嘅凈喺操過嘅嘢，有時連操過都可以唔記得。但如果小朋友閱讀得多，就會產生一種語言感應，好自然就識去分析理解。而小學階段嘅英文好少會偏離課業內容，想成績好，一定要背。數學冇捷徑，靠嘅喺熟能生巧，多做各類練習，要有D難度、市面上好嘅數學練習好難搵。
閱讀方面，上次我已強調要選擇性提供書籍，不過我知道好多家長都系就住小朋友，佢鍾意睇么就么，其實呢樣嘢喺見仁見智，我嘅觀點喺，時間有限，小朋友唔做得太多嘢，讀唔到太多書，如何將有限嘅時間充分利用好，放到更有意義的閱讀上去？
閱讀等同於交友，睇一本好嘅書，等於交一個好嘅朋友，好多人鍾意交朋友仔，只要唔系損友就得。我就唔系咁睇，小朋友喺好容易受到周圍環境影響，如果佢朋友仔好自私，唔識得尊重師長，又或者會講不雅用語，又或者貪玩，懶散，咁你小朋友第日一定都會沾染類似嘅習氣。所以，我女女自細好少朋友，因為我把關甚嚴，好明確話佢知，邊D人唔可以做朋友，點解唔得，所以女女好識得分是非對錯。
閱讀方面都一樣，自細我已經灌輸畀佢，邊D書值得欣賞，值得睇，邊D書喺好低B，唔值得睇，慢慢訓練她對閱讀嘅選擇，咁等佢大個時，佢就已經有自己獨到嘅眼光去挑選一些上層次、對自己有益嘅書，佢喺小五時，已經借D好有哲理性、其他小朋友覺得好悶嘅書回家，同學仔話佢品味怪，佢不屑理睬，佢覺得佢已經超越咗佢嘅同學，唔需要同人爭你是我非。呢個就系閱讀嘅好處，讀得好書越多，人嘅境界、視野，心胸都會開闊。
講了半天，還沒有講到究竟要睇邊方面嘅書，概括一下，我喺絕少畀小朋友睇中文故事書，要睇故事書就必須選擇英文版，咁先可以培養到英文閱讀能力和英文閱讀興趣，如果連英文書都要好益智，咁小朋友可能會排斥英文書了。
中文書嘅選擇，包括
1，知識類，比如科學、地理、人文，總之同增進知識有關嗰書籍。
2，哲理類，包括品德修養，待人處事，性格培養方面，總之喺講道理嘅書籍。
3，歷史，人物傳記類，人物傳記好重要，通常我會將呢類書作為首選，人物傳記對小朋友的各方面培養都會帶來影響。當然要選擇邊類人物傳記，全在於你將來想小朋友成為咩人，我就比較鍾意選擇歷史人物，文學人物。
等小朋友上了高年班，就可以著重睇多D文學性書籍，以提高寫作能力，通常好多作文精選集就是不錯的選擇，如果去到圖書館，睇下邊D書描寫性強，通常我同補習中文及中文寫作嘅小朋友借書，都會選擇一D散文類書籍，逼小朋友朗讀，筆記，甚至背誦。
低年班開始閱讀，家長可以提問式來檢查是否真正理解書本內容，等同於教佢做閱讀理解，等上咗高年班，小朋友已經好自然識得自己去分析，操練各種練習，根本就冇需要，因為佢已經形成咗很好嘅語感。
但通常好多小朋友都喺冇時間閱讀，怎辦？唯有操練這個下策。市面上好多練習，買邊本？呢度畀D貼士一路虔誠讀到呢度嘅家長，揀策略出版社，唔系我同佢做廣告，我凈喺用呢間出版社嘅練習，佢D練習比較有針對性，佢嘅標點符號，重組句子、閱讀理解等專項練習質量比較高，特別喺閱讀理解二，內容會比較深D，好多市面上其他出版社嘅好多。
唔記得講好重要嘅一樣嘢，幫小朋友準備一本筆記簿，要漂亮的封面，佢鍾意嘅個只，寫明喺精華集，要佢記錄喺閱讀當中，遇到嘅好的詞彙和成語，同埋好嘅句子，初時可以唔分類，當積聚到一定程度，就可以同佢講，是否要分類？比如哪些是心理描寫用詞，哪些是景物描寫用詞，再著他進行分類記錄。古人有講：好記性不及爛筆頭，所以抄錄都好緊要。如果有可能，可以將佢抄錄嘅詞語做溫習和默寫，咁小朋友嘅認知能力會提供神速。
照我講，睇金庸，真喺不如去睇少年版嘅史記，資治通鑒，三國。就如我女女，大過你女兒一年，今年升中，因為小學時睇歷史、人物書多，而家基本上不用溫習中史，都系全班最好。
高小嘅學生，睇書已經不在記敘文嘅層面（即喺講故事），要畀佢多睇散文，特別是抒情和描寫性嘅散文，有助於作文寫作。
所謂嘅文學作品，通常都是描寫性好強，遣詞做句都好精緻嘅作品。
我記得圖書館有套《中華少年兒童閱讀精選》大致是這個名稱，分上下兩本，非常厚。這套書就很適合高小生睇。幾乎是我推薦給學生嘅必選，但是書名全稱我又真喺唔記得咗，因為我嘅學生基本都升中，我教多咗中學中文，少理小學了。
<數學>
| 今日講下點樣去跟小朋友數學。其中包括了我認識嘅一位數學狀元嘅滿分秘笈。 數學其實真喺唔難，但又真喺需要擺時間去操練。對於低年班小朋友理解能力唔夠，而跟唔到數學，呢樣唔好心急。數學呢樣嘢，開唔開腦好緊要，小朋友的心智成熟度冇得幾個月之差，人地大你幾個月，真喺會醒目過你小朋友。特別喺男仔，又比女仔會慢D。所以我通常喺建議12月出世嘅男仔去讀下一年，咁真系會輕鬆好多，成績都會好出色。我有個聖保羅女，第一年考，人地唔收佢，就走去港大同學會讀，第二年去考二年班，都喺唔得，跟住父母就捐咗十萬畀聖保羅，終於收咗一年班。咁就變得年紀足足大人地一年有多（佢生日本身喺上半年），呢個原本人地唔收嘅女仔，而家年年都喺全級前幾名，年年拿獎學金。理解能力同埋學嘢快過人地好多。 所以，當你嘅小朋友因為唔理解而數學好差，千企要畀耐性教，可能教及都唔明，唔緊要，都喺要繼續教，突然就會有一日茅塞頓開。 低年班嘅小朋友，數學要以打底為主，基本功好重要，但反復做加減乘除四則混合運算小朋友會悶，其實只要搞定20內加減令其滾瓜爛熟都足夠，再難嘅加減法都系以20之內加減為基礎，只要把最基本嘅加減背熟，再大嘅數字都不會怕。乘算表通常小朋友只會做乘法，倒過來做除法就有困難，所以要訓練小朋友見到一個數字就能脫口而出是咩組合。比如一見到24，就能說出4、6、24；3、8、24，見到18就知道2、9、18,，3、6、18，多練習喺關鍵，浸以時日，就會有顯著成效。如果冇咁多時間精力，可以做成小卡片，喺等車，坐車時，隨意抽出來畀小朋友心算。方法有好多， 難嘅喺堅持。一二年班底打得好，上到三、四年班就一D唔辛苦，除法做得多，以後做公因數公倍數，都能得心應手。 很多家長平時喜歡幫小朋友檢查功課，有錯處就即刻教佢改正，雖然喺好，但家長擺嘅精力時間太多，做了老師要做嘅嘢，老師本身可以再對錯處再講解多D，見你地各個都有補習，有家長跟，就會變得么都唔教，最後損失嘅都喺小朋友。呢種情況喺貴族學校、名校特別常見，老師真系好輕鬆，唔使理太多，甚至稍微講解下，就派大量習作畀學生，因為學生返去都有私人補習跟。所以我一直都堅持，功課畀老師去改，你唔好理，除非喺小朋友唔識，走來問你，你就一定要好詳細講解，要舉一反三，再另外出類似的題目當場做，卑佢鞏固呢個題型。而你就要喺呢個題目做上標記，提醒自己呢個題目佢喺唔識。佢有做錯就畀老師改，跟住佢自己要改正，等於佢又做多一次，好過你即時幫佢指正，佢唔一定入腦。到咗考試之前，你就要一次過收集好佢所有練習紙，練習簿，包括大小測驗紙，然後搵出佢所有有做錯嘅題目，歸納出小朋友喺邊方面比較弱，就強化訓練佢呢方面。呢一拍真系要自己落手落腳去做，咁就可以節省好多時間，唔需要做太多不必要嘅重複勞動。 如果小朋友時間充足，咁就不妨跟住嗰進度，畀D練習佢做。市面上多數練習都喺好求其，冇么深度和拓展性。都系要揀過，你選擇嘅補充練習，喺一定要深過小朋友做緊嗰滴，咁小朋友先會有提升，同埋唔會重複對住一D佢根本就識做嘅嘢，會好悶。 講到好多家長都好頭痛嘅問題，如何對付粗心。其實呢樣嘢喺我自己女女、學生身上睇過唔少，也一直是我最痛恨嘅地方。我曾認識一個理科狀元，他的數學在小學永遠都是100分，我虛心請教他拿滿分嘅秘笈，佢話好簡單，一路答題，一路檢查，等做完卷都不用再檢查，直接交。比如你做應用題，讀完一次題目后列式，一邊列式一邊讀多次題目，檢查數字是否抄漏，題意是否解錯。等計算時，每一步計算都要重複檢查一次，比如123+456,3+6=9,2+5=7,1+4=5，這些數字寫上去后，要即刻再複查一次，是否正確。如此類推。之前有家長提出疑問，是否夠時間去做這個檢查，其實話你知，呢種檢查耗時極小，基本每一題多耗費幾秒鐘，但是準確率就提升了幾倍。如果教小朋友全卷做完后再檢查，剩下的時間一定凈喺夠佢檢查幾條題目。因為佢做嘅喺重複勞動，每一題都要重新讀題，重新思考，無異於再花費同樣時間做一次，又點可能有雙倍嘅時間畀你考試呢，所以咁做複卷喺最愚蠢嘅辦法？而一路做題一路檢查，就節省了重新讀題，重新思考嘅時間，等你做完全份卷同時又check完，時間都差不多了。根本唔需要再重頭複查。呢個就系數學拿滿分嘅理科狀元嘅心得。佢就系憑呢個習慣，克服了粗心的壞毛病。 喺實踐中，我最喜歡用的就是策略出版社的練習 策略出版社的練習我是在商X買到，有時都要預定先有。你都可以上去出版社睇，但真系要跨區，因出版社在柴灣。 更正：之前提到市面上沒有的數學練習，是智慧出版社。而中文課練習我只選擇策略出版社。 策略出版社有套《閱讀理解》分系列一同系列二，一比較淺顯，二比較深入，覺得小朋友閱讀能力差，要選擇系列一，如果程度OK，就要選擇系列二。這套書我是在商務預定，大家可以直接在附近的商務或者其他書店預定。另外策略出版社的《句子重組 詳細輔導與練習》（分年段）也非常好，再就是《標點符號 專題練習》 基本上你的小朋友考中文犯錯最多的課外題型不外乎上面幾種，重點強化訓練，效果立竿見影。之前我有學生重組句子弱項，我建議家長買這個出版社的句子重組練習，因為有好多本類似練習，家長就全部買了回來，小朋友操了一個月，句子重組就再難不倒她。 策略出版社的書，基本都可以在書店預定到，如果想多D選擇，就要上出版社親自去選購。但我不知道是否有門市供零售，因我沒有上過公司。所以你選擇上公司選購之前，最好打個電話問下。而智慧出版社的數學練習，只有上公司才能買到。 <英文> 語言環境絕對是最重要的環節。以我咁多年的上門經驗，家裡有菲傭的學生，英文程度一定都會比較好，特別是聽力和口語，都會比家裡冇菲傭的學生來得出色。如果冇語言環境，但你又想仔女英文水平比其他小朋友更好，英文補習就必不可少，有能力，當然請發音標準的外國人教最好；冇能力也不要緊，本地老師雖然發音不夠標準，但也不是最重要的，畢竟仔女長大不是去做英文節目主持人，平時聽多英文節目，有心去改善發音，就一定能做到；冇能力請私人補習也不要緊，最起碼要去出邊的專業英文補習班學習。注意，我講的是專門的英文補習班，并非做功課的普通補習班。一定要選擇有壓力、miss比較嚴厲的補習社！但很奇怪的是，我認識的多數家長，都是不喜歡子女在一個有壓力的補習社學習，他們都希望小朋友在一個輕鬆的環境下有個好開心的心情去學到知識。當然運氣好的，的確是會有良性循環的情況，小朋友學得開心，又真的學到入咗腦。但可以說，這樣的例子極少，又想馬兒好又想馬兒不吃草的事情，是不大可能會發生的。就算你花巨額補習費，去鬼佬上堂的補習班，小朋友上堂好開心，又真喺進步咗，你就覺得有成效，但如果從經濟同時間的角度，同樣多的時間和金錢放在另一個模式中，可能你小朋友是突飛猛進的飛躍。更何況，畀小朋友學識面對壓力和困難，也是必要，如果下下都要就住佢的情緒，你小朋友就會變得對壓力和困難冇任何抵抗力，更容易產生負面情緒，對他的成長和學業都冇任何好處。我女女就去了一間有大量功課、有嚴格獎懲制度的補習社，一開始佢好大壓力，覺得太辛苦唔想讀，我喺正面引導她要學會堅強、學會承受，既然人地可以做到可以承受，有咩理由你唔得呢?人生最大的勝利就系戰勝自己的恐懼心，就是這樣，過左辛苦嘅頭兩個月，佢終於都適應咗，再不會覺得辛苦可怕，而且英文成績明顯提升，恐懼心不攻自破，佢對英文課有了信心，學起上來都更認真，咁就進入咗良心循環，由最初的英文寫作不合格到一年後英文寫作名列前茅。所以，一定要教導小朋友正面克服困難，面對壓力，不但是鼓勵，引導小朋友有良好的學習心態才是最重要！ 英文的關鍵是詞彙量的記憶，既系，背單詞是最基本的功夫。但如何提升小朋友對單詞的記憶力，雖然我都會編D故事形象地拆開字母來提高記憶性，但始終不是最好的辦法，因為局限性太大。而最徹底最完善的辦法，是學國際音標。掌握國際音標，可以根據讀音記住字母的組合規律，記憶單詞簡單好多。 我很早就發現，大陸的學生學英文起步晚，英文環境差，但最後考GRE，TOEFL，成績都會遠遠趕超香港學生，雖然開唔到口講流利的英文，但筆試的成績卻可以拿滿分。原因得一個，大陸的英文教育方式是先學國際音標，注重文法教學，注重詞彙背誦和課文背誦。我從來沒有見過香港學生需要背英文課文，但在大陸背英文課文是家常便飯。無論是朗讀還是背誦，都會給增強“語感”帶來很多益處。所謂語感，就是對語言的敏感度，語感好的人，學什麽語言都又快又標準，語感差的人，再怎麼學也學不到字正腔圓，這是有天分的。所以請補習導師，千萬不要認為在國外住了多少年的人一定英文講得很標準，你只要想想，好多內地移民喺香港住咗20年都可以講不到廣東話，道理是一樣的。語感是好個人化的事，但多開口背誦和朗讀，語感會變得敏銳。 首先是搞定課文內的詞彙量，有上英文補習班的，或者自己睇英文書的，遇到生詞都要記下背誦，養成好的習慣很重要，這樣以後背句型，直至背課文都不會成為太難的事情。 在背誦單詞的基礎上，要著重詞組的記憶。我見過的十個學生幾乎有九個都對介詞填充充滿畏懼。原因好簡單，港式的英文教學好少會要求學生連埋介詞一起記，而這恰恰是英文學習中最重要的一環。我見過內地一位老牌大學生的初中課本，幾乎多數要默寫的詞彙都是連著介詞一起背默，這就是所謂的詞組記憶，比如一個簡單的詞語take，光背這個詞語是毫無意義的，一定要連介詞一起背，從take up, take off, take over, take on, take care等等，理解每個組合的意思和運用，這樣才算是對詞組的良好掌握。 詞組記憶的基礎上，就是句型的背誦，句型可以很短小，跟詞組融會貫通，密切相關。比如both...and....（即...又.....），可以當詞組背誦，同時也是一個句型。句型除了背，還要會運用，那就是所謂的造句。 句型背誦的基礎上，就可以嘗試課文背誦，但以我對香港學生的了解，沒有學生喜歡背課文，所以就不強人所難，改成朗讀課文也是不錯的選擇。 如果你覺得背誦是好笨的事，首先喺觀念上已經大錯特錯，我記得我讀小學時，阿媽規定我每篇課文都要背，仲要背課外的好詞好詩好句，小時候最怕就系背書，曾發誓不讀文科，但效果幾年時間就出來，我的文字表達能力在無形中得到驚人的提升，上到中學，作文就拿全國大獎。人地問我點解作文可以寫得咁好，我答唔到，因為我從沒上過咩作文堂，沒學過寫作技巧，從來對如何寫作文冇研究（我見論壇有教人寫作文，其實寫作文靠教出來，已經喺下下策），拎起支筆，想寫咩就自然出到來，這就是長年累月的閱讀和背誦帶來的好處。香港小朋友點解英文同中文作文差，就算睇好多書，都冇改善，其實道理好簡單，睇完算冇入腦，香港學生的讀書作風喺好少背誦，但事實上背誦恰恰是千古流傳的學到嘢的主要途徑。 至於你講老師讀一句，學生跟一句，那不是我所講的背誦的範疇，而是老師教學的方式問題。作為小朋友，想學好一門語言，除了上堂聽老師講解，回家朗誦和背誦，是必不可少的環節 我談談我的看法。之所以我強調中文靠閱讀，而沒有把閱讀這個位置讓給英文，並非英文閱讀不重要，只是小朋友時間實在有限，（我唔知點解仲有好多小朋友有大把時間玩耍，總之我見過的小朋友基本上是冇么剩餘時間），必定要有所取捨。如果家中有讀中學的小朋友家長，相信你都領教到，一上到中學，中文成績點解會似過山車咁直插。我的學生都是由我一手從小學帶上初中送到高中，因此對現時香港的中文教學十分清楚，小學太淺顯，一上中學沒有一個接軌的過渡期，忽然加深很多，普通學生根本沒法應付，等上了高中，千篇一律幾乎最弱的科目就是中文。（當然，我這裡所指的都是那些讀書好叻的學生，而非針對本身就讀唔到書，凈喺認識中文字，唔認得英文字的學生） 而中文弱這種情況無一例外地出現在沒有閱讀習慣的小朋友身上，但那些從小養成閱讀習慣，嗜書如命的學生，越上到去，中文就越不擔心。這是我強調中文閱讀的原因。提升英文能力的途徑有很多，除了閱讀，你可以屋企放個菲傭，或者搵個鬼佬傾，或者可以多看西片英文卡通，做唔到呢啲就去補習社精補，再唔得都冇問題，只要有決心去背去記，一樣可以把英文輕鬆拿下。就如我之前所講，其實英文科的學習要求并不高，很容易就能學好，那是否要把更多的時間和精力用於更困難的科目上去打底呢？這就相當於，你有兩個孩子，一個凈喺唱歌好，另一個又唱得又跳得，出去比賽的名額各有一個，你自然會派只懂唱歌的孩子去報唱歌，讓那個又能唱又能跳的孩子去報跳舞，可能別人不了解，問你為何不讓又能唱又能跳的孩子去唱歌，佢可能唱得更加好。其實這只是一種權衡，並非否定另一個孩子唱歌唔得，只是爲了在有限的條件之下發揮更多、贏回更多。相信大家都能明白了吧？而且，當一個唱歌好的孩子愛上了唱歌的時候，自然就會去精進舞技，你根本不用擔心她不懂跳舞。同樣道理，當你的孩子養成了閱讀的習慣，到時候他自然就會去閱讀英文書籍，當英文功底有一定基礎之時，閱讀英文並非難事。 我的孩子就是一個很好的例子，在小學六年級之前，她沒有補習過任何科目，也沒有閱讀過英文書籍，一句講嗮，不是我不想，是她沒有時間。但是我把她課堂上的內容抓得很實，務求字詞句全部滾瓜爛熟，就喺咁，次次英文考試都能名列前茅。當然這種方式的弊病在上了高段之後會顯現，詞彙量不夠，口語唔得，所以在小學六年級我送她去了英文精補班，亦暫停中文閱讀，開始大量借閱英文故事書，女兒對英文書沒有半點抗拒，因為以前所閱讀的中文書都是針對性非常強的，所以一旦閱讀英文故事書就很快入迷，這樣，我只不過是花了一個學期的時間，就令女兒的英文程度突飛猛進。上了中學，口語差的毛病出來了，下一步就是找個鬼佬練口語，但沒有時間，這項議程要放到暑假。而因為基本功扎實，學口語也是水到渠成的事情，根本不是難題。 中文學習的要求不同於英文學習，要求高好多，若非自小養成長期閱讀的習慣，光靠上中文寫作班，中文精補班之類的操練，根本就是治標不治本。這就是我總結的“中文靠閱讀，英文靠背誦，數學靠操練”15字黃金法則的理由。 我想大家都很清楚明白中文和英文之間的主次和偏重了吧。 接下來，我要為 IPA來個大平反。之前有家長講到IPA嗮錢嗮時間，我估最主要的原因可能喺小朋友沒有真正學識，而學IPA所花的費用卻不菲，感覺上不值得。其實如果有心去學IPA，網上就有很多免費教學的課程，但通常小朋友沒有耐心去學而已。 我見有家長將Phonics 和IPA分開來講，其實呢兩樣嘢喺相輔相成，你中有我，我中有你，缺一不可，我唔知道之前有家長講在幼兒園學Phonics ，如果齋學phonics而沒有穿插IPA 的學習，那好像是沒有可能的。因為光學phonics而沒有IPA無異于空中閣樓，根本站不住腳。而IPA的學習過程中，不穿插Phonics的學習，就相當於做了“買櫝還珠”的蠢事，除非是教學老師想另外開課賺錢，那就另當別論。唔知眾家長是否睇得明，我意思喺，學習國際音標是一定同時學埋語音規則的！舉例： 國際音標第一個要學的就是 [i:]，在學會[i:]這個發音之後，老師是必定要列出所有發音為[i:]的字母組合，有如下所列： i —— police e —— me ea —— sea ee —— meet ei —— receive ey —— key ie —— thief 學到輔音（也叫子音）音標 [θ], 學識這個發音之後，老師必定要講到[θ] 所對應的字母組合只有th，那麼當小朋友聽到[θ]這個發音，首先就知道要拼寫th. 好了，默寫的時候，老師讀了thief這個詞語，熟記國際音標的小朋友腦裏即刻就反應出[θ]—— th [i:]——ie [f]—— f ，那麼thief這個單詞就順理成章寫了出來。道理就是咁簡單，Phonics 和IPA又怎可以分離呢？國際音標要學到滾瓜爛熟的確要花些時間，但是長遠利益來講，獲益超出想像。辛苦些也不妨。 如果你覺得IPA冇用，通常的情況是沒有很好地掌握它，不懂運用，如果能再花點時間，把它很好地掌握了，能運用自如的時候，你就會深深感受到，它為你節省的時間會比他人多幾倍。 以我自己為例，我就是小時候學過國際音標的，當然是同語音規則一起學的，從來默書或者速記單詞都不是問題，因為已經熟記48個音標，每當遇到老師讀出的生詞，我能根據老師的讀音即刻就自行注音，根本無需要再翻查詞典，讀文章時，遇上的生詞因為已經注音，不會因為又忘記讀音而再重新翻查，基本上，一篇課文在手，幾個已經注音的生詞讀幾次熟記，那麼成篇文章都能琅琅上口流利而出，而成篇聽默這些都是雕蟲小技，我知道而家小朋友都要用好多時間去記憶詞彙會應付默寫，差別也就在此。 |
Source
http://www.edu-kingdom.com/forum.php?mod=viewthread&tid=2458898&page=1&authorid=950288
沒有留言:
張貼留言